wrapper

Главные новости

Университет Естественнэй наукаларын факультеттарын куорпуһугар (ЕНФК) ахсынньы 5-7 күннэригэр остуол тенниһигэр республика Кубога ыытыллыаҕа. Манна араас улуустартан, куораттартан үстүү киһилээх (эбии биир саппаас оонньооччу) хамаандалар кэлиэхтэрэ.

Тэрийээччилэр -остуол тенниһин федерацията (дириэктэр Василий Данилов) уонна СӨ маассабай спорка управлениета (начальник Николай Цыпандин) - этэллэринэн, 120-чэ спортсмен кыттара сабаҕаланар.

Бастаан хамаанданан, онтон бүтэһик күн биирдиилээн бастыыр иһин оонньуулар буолуохтара. Кыайыылаахтар кубогынан уонна сыаналаах бириистэринэн наҕараадаланыахтара.

Фаворит быһыытынан спортивнай экспертэр Уус-Алдан уонна Чурапчы хамаандаларын ааттыыллар. Уус-Алдан хамаандатыгар спорт маастардара Василий Румянцев, Михаил Бутылев, спорт маастарыгар кандидат Аркадий Иванов бааллар. Оттон чурапчыларга – Ньургун Сабарайкин, Николай Денисов, Василий Шадрин - үһүөн спорт маастарыгар кандидаттар. Онон сытыы киирсиилэри күүтэбит.
Дьон санаата
В.Т.Данилов, федерация толорооччу дириэктэрэ:
- Үчүгэйэ диэн, хотугу улуустар хото кыттыах курдуктар. Номнуо түөрт хотугу улуус хамаандата Дьокуускайга кэллэ. Тэрээһин үлэтин Спорт министерствотын кытта кыттыһан балачча ыыттыбыт. Этэҥҥэ ааһыа, көрөөччүлэргэ интэриэһинэй күрэхтэһиини бэлэхтиэхпит диэн эрэнэбит.
Н.Т.Степанов, Булуҥ улууһун сүүмэрдэммит хамаандатын хапытаана:
-- Тиксиигэ остуол тенниһин сөбүлүүллэр. Арай күрэхтэһиилэргэ айанныырбыт уустуктардаах. Холобура, бу бүгүн хас биирдиибит кэлэ-бара билиэккэ түөрт уонча тыһыынча солкуобайы төлөөтө. Киин улуустар теннисчиттэрэ кэлин олус сайдыбыттарын билэбин. Туох баарбытынан оонньуохпут.

 

Последнее изменение Четверг, 04 декабря 2014

Сайт Любителей настольного тенниса Республики Саха (Якутия)

При частичной или полной перепечатке материала, уведомление редакции и ссылка на сайт обязательны

Адрес: ул. Кулаковского, 48, каб. 632

Город: Якутск

Телефон: +7-(4112)-49-65-49

E-mail: mg.platonov@mail.ru

Пользователь