wrapper

Главные новости

Дьокуускайга ааспыт өрөбүллэргэ остуол тенниһигэр республикаКубога буолла. Хамаанданан уонна биирдиилээн бастыыр иһин күрэхтэһиигэ 130 спортсмен кытынна.

Хамаанданан оонньууга, спортивнай экспертэр сабаҕалаабыттарын курдук, Уус-Алдан хамаандата (спорт маастардара Василий Румянцев, Михаил Бутылев, спорт маастарыгар кандидат Аркадий Иванов) бастаата. Кинилэр финалга 3:0 ахсаанынан Чурапчы хамаандатын (спорт маастарыгар кандидаттар Ньургун Сабарайкин, Николай Денисов, Василий Шадрин) хоттулар . Үһүс миэстэҕэ университет хамаандата (спорт маастарыгар кандидаттар Сергей Леонтьев, Анатолий Ефремов, Владислав Тимофеев) таҕыста.Биирдиилээн бастыыр иһин күрэхтэһиигэ Василий Румянцев бу да сырыыга кылааһын бигэргэтэн бастаата. Кыайыылааҕы быһаарар оонньууга Бороҕоҥҥо пропискалаах Приморье бэрдин Михаил Бутылевубаһыйа тутта. Үһүс миэстэҕэ Тааттаттан төрүттээх Чурапчы спортсмена Ньургун Сабарайкин таҕыста.

Күрэхтэһии эдэр спортменнарбыйыл улаханнык эбиллибиттэрин көрдөрдө. Оскуола оҕолоро Миша Кылабысов (Мэҥэ-Хаҥалас), Денис Петров (Хатас), Арсен Платонов (Таатта) тахсыылаахтык оонньоотулар.

Кыргыттарга Дьокуускай кыыһаОля Тихонова (тренерэМихаил Спиридонов) хайҕаныан хайҕанна. Былырыыҥҥыга диэри саамай бүтэһик миэстэлэргэсылдьыбыт кыыс быйыл иккис миэстэҕэ таҕыста. Надежда Федулова, Ольга Калачикова курдук спорт маастарыгар кандидаттары кэннигэр хаалларда. Финалга өрөспүүбүлүкэ кыргыттарга хас да төгүллээх чемпиона, спорт маастарыгар кандидат Дария Марковаҕа эрэ сабырыйтарда.

photoByWidth&id=18393&width=1000

Республика 2014 сыллааҕы Кубогын кыайыылаахтара

Хамаанданан
  1. Уус-Алдан (тренерэ суох)
  2. Чурапчы – (тренерэ Башарина С.Н.)
  3. ХИФУ – (тренерэ Тимофеев В.С.)
Эр дьоҥҥо
  1. Румянцев Василий, Уус-Алдан
  2. Бутылев Михаил, Уус-Алдан
  3. Сабарайкин Ньургун, Чурапчы
Дьахталларга
1. Маркова Дария, ХИФУ
2. Тихонова Ольга, Дьокуускай
3. Федулова Надежда, Чурапчы
Последнее изменение Среда, 09 декабря 2015

Сайт Любителей настольного тенниса Республики Саха (Якутия)

При частичной или полной перепечатке материала, уведомление редакции и ссылка на сайт обязательны

Адрес: ул. Кулаковского, 48, каб. 632

Город: Якутск

Телефон: +7-(4112)-49-65-49

E-mail: mg.platonov@mail.ru

Пользователь